Zakhm-e-tanhai main khushbu-e-hina kis ki thi
Saya diwar pe mera tha sada kis ki thi

Uski raftar se lipti rahi meri ankhen
Us ne mur kar bhi na dekha kay wafa kis ki thi

Waqt ki tarah dabay paon ye kaun aya hay
Main andhera jise samjha wo qaba kis ki thi

Anson se hi sahi bhar gaya daman mera
Hath to main ne uthaye the dua kis ki thi

Meri ahon ki zaban koi samajhta kaise
Zindagi itni dukhi mere siwa kis ki thi

Ag se dosti us ki thi jala ghar mera
Dai gaye kis ko saza aur khata kis ki thi

Main nay binaiyan bow kar bhi andhere kate
Kis kay bas main thi zamin abr-o-hawa kis ki thi

Chor di kis liye tu ne "Muzaffar" duniya
Justaju si tujhe har waqt bata kis ki thi

Zakhm-e-tanhai main khushbu-e-hina kis ki thi Saya diwar pe mera tha sada kis ki thi Uski raftar se lipti rahi meri ankhen Us ne mur kar bhi na dekha kay wafa kis ki thi Waqt ki tarah dabay paon ye kaun aya hay Main andhera jise samjha wo qaba kis ki thi Anson se hi sahi bhar gaya daman mera Hath to main ne uthaye the dua kis ki thi Meri ahon ki zaban koi samajhta kaise Zindagi itni dukhi mere siwa kis ki thi Ag se dosti us ki thi jala ghar mera Dai gaye kis ko saza aur khata kis ki thi Main nay binaiyan bow kar bhi andhere kate Kis kay bas main thi zamin abr-o-hawa kis ki thi Chor di kis liye tu ne "Muzaffar" duniya Justaju si tujhe har waqt bata kis ki thi

Koi waqt purana yaad aaya
Koi dost suhana yaad aaya

Or chaak se in divaaron par
Khuch likh kar jana yaad aaya

Tera milna neem ki chhaon mein
Aur sir rakh dena kandhe par

Mera ye kehna koi daikh na le
tera wo ghabrana yaad aaya

Kabhi aisa bhi to hota tha
main tujh ko chorne jata tha

Jab wapas aane lagta tha
tera haath hilana yaad aaya

Wo waqt gia lamhe beet gae
ab har janib tanhai hai

Ab aik hai manzar aankhon mein
Tera chor ke jana yaad aaya..